Kandidatja për deputete e NISMA, Xhevahire Izmaku, ka reaguar pas sulmit të mbrëmshëm në kanalin kryesor të Ibër Lepencit, prej nga furnizohen me ujë disa qytete si dhe KEK-u për ftohjen e termoelktraneve, shkruan Scanner.
Në një postim në Facebook, ajo ka thënë se çdo sulm ndaj sigurisë së qytetarëve është i dënueshëm dhe i papranueshëm.
“Përgjegjësit e vërtetë duhet të identifikohen sa më parë, në mënyrë që kjo ngjarje të mos shërbejë si mjet manipulimi në prag të zgjedhjeve”, ka shkruar ajo, duke shtuar se siguria e qytetarëve nuk duhet të bëhet kurrë vegël për poena politik!
Postimi i plotë:
Çdo sulm ndaj sigurisë së qytetarëve është i dënueshëm dhe i papranueshëm.
Megjithatë, nuk mund të mbyllim sytë ndaj kohës dhe rrethanave të këtij akti.
Përgjegjësit e vërtetë duhet të identifikohen sa më parë, në mënyrë që kjo ngjarje të mos shërbejë si mjet manipulimi në prag të zgjedhjeve.
Siguria e qytetarëve nuk duhet të bëhet kurrë vegël për poena politik!
