Një ekspert i vozitjes ka zbuluar tre funksionet e fshehura të marshit neutral në veturat automatike, raportoi të dielën “The Sun”.
Drejtuesit automatikë duhet të mësohen me disa shtesa në këtë mënyrë të transportit. Kjo përfshin futjen e funksioneve “P”, “R” “D/S” dhe “N” në ndërruesin e shpejtësive.
Teksa N-ja qëndron për “neutral”, shumë përdorues të veturave automatike nuk i dinë të tre funksionet e tij. Njohja e tre përdorimeve të fshehura pas ingranazhit N jo vetëm që do të kursejë karburant, por mund të shpëtojë jetë.
Kur vetura ndalon përkohësisht ose gjatë pritjes në semafor, gjithmonë duhet të vendoset në marshin N dhe më pas frenat e dorës. Shumë shoferë e mbajnë këmbën në frenim dhe e mbajnë veturën në lëvizje, por kjo shpenzon benzinë dhe bën që motori të gjenerojë shumë depozita karboni.
Përdorimi i dytë i marsheve N është kur vetura prishet ose duhet të tërhiqet. Dhe së fundmi, kur shoferi të jetë gati të ndalojë, fillimisht duhet të ndërrojë marshin nga D në N dhe më pas të vendosë frenat e dorës.
Pasi të bëhet kjo, drejtuesit duhet të lëvizin ndërruesin e shpejtësive në P, përpara se të lëshojnë frenat e këmbës.
