Shkuarja në zgjedhje të reja, Ahmeti: Partitë të tregojnë tash me kënd bëjnë koalicione, ose do të kemi “deja vu kolektive”

Ish-kryetari i Prishtinës, Shpend Ahmeti, ka reaguar pas dështimit të Glauk Konjufcës për të formuar Qeverinë e re, zhvillim ky që i hapi rrugë zgjedhjeve të parakohshme.

Ahmeti theksoi se, meqë po shkohet sërish drejt votimit, partitë politike duhet të bëjnë të qartë paraprakisht se me cilat subjekte janë të gatshme të lidhin koalicione. Kjo, sipas tij, është e nevojshme për të shmangur përsëritjen e skenarit të paszgjedhjeve të fundit.

“Në këto zgjedhje kishte me qenë mirë me na tregu partitë se me kënd janë të gatshëm me bo koalicione se përndryshe do ta kemi një deja vu kolektive,” shkroi Ahmeti në rrjete sociale.