Lëvizja Vetëvendosje po vazhdon me takimet e shkollës politike, që e organizon pothuajse secilin vit.
Në postimin e fundit, LVV-ja ka njoftuar se është mbajtur ligjërata e nivelit teorik dhe politiko-organizativ në kuadër të kësaj shkolle në disa qytete të Kosovës, përfshirë në Prishtinë.
VV-ja ka treguar edhe emrat e ligjëruesve, ndërsa në sy bie emri i Dejona Mihalit, koordinatorës së Komiteteve në LVV. Sipas njoftimit, ajo bashkë me aktivistin nga Shqipëria, Arbër Zaimi, kanë ligjëruar për organizimin politiko-organizativ.
Më saktë, këta dy aktivistë të VV-së nga Shqipëria kanë ligjëruar për socialdemokracinë.
“Ndërsa në nivelin politiko-organizativ u mbajtën ligjëratat mbi “Socialdemokracinë – historiku i konceptit dhe pse për Lëvizjen” nga anëtari i Kryesisë Arbër Zaimi dhe Kordinatorja e Komiteteve Dejona Mihali.
Në to u diskutua për konceptet themelore dhe idealin socialdemokrat mbi lirinë, barazinë dhe solidaritetin.” – thuhet në njoftimin e VV-së.
