Një sërë aktivitetesh sensibilizuese u zhvilluan të enjten në ShFMU “Pavarësia” në Prishtinë, në kuadër të muajit të ndërgjegjësimit për mbrojtjen nga kanceri i gjirit.
Këto u mbajtën me qëllim në ngritjen e vetëdijes për këtë sëmundje, transmeton Klankosova.tv.
“Në kuadër të aktiviteteve u realizuan prezantime tematike, shpërndarje broshurash informuese, instalacione simbolike dhe recitime poetike kushtuar grave që përballen me këtë sëmundje”, thuhet në njoftimin e shkollës.
Shkolla ka falënderuar mjekët e QMF-së në Mati 1, Prishtinë, për prezencën dhe ligjëratën e tyre me të njëjtën tematikë, “e cila pasuroi aktivitetin me informacione të vlefshme dhe këshilla të dobishme për parandalim dhe kujdes shëndetësor”.
I gjithë aktiviteti u realizua nën udhëheqjen dhe mentorimin e arsimtares Fiqirete Krasniqi.
