Ish-banorja e Big Brother VIP Kosova 2, Iliriana Sadriu, është bërë sërish pjesë e vëmendjes në rrjetet sociale pas një përplasjeje virtuale me një ndjekëse.
Në një koment të drejtuar asaj, ndjekësja ka përdorur tone tejet ofenduese, duke i shkruar: “Shko lyeju oj qyqe diku, mos ia prish dasmën njerëzve, shko rregullohu jo si varr”.
Pavarësisht gjuhës së rëndë, Iliriana nuk e la pa përgjigje, por zgjodhi një qasje ironike.
“Kjo e paska hapur Instagramin veç me ma shkru një mesazh loçka ime”, ka replikuar ajo, duke shoqëruar reagimin me një nuancë tallëse.
Kjo nuk është hera e parë që ish-banorja përballet me reagime të ashpra online, por ajo duket se i kthen gjithmonë me humor dhe ironi.
E njëjta së bashku me partnerin e saj, Adrin, janë shumë të angazhuar me mbrëmje e koncerte.
Dyshja u bënë të njohur gjithashtu me paraqitjen e tyre në edicionin e dytë të Big Brother Kosova.
