Jessie J shpërtheu në lot, teksa ka shpjeguar se ka vendosur të shkëputet për disa kohë nga muzka, për të shijuar kohën me djalin e saj,
Këngëtarja 35-vjeçare mirëpriti djalin e saj Sky, 10 muajsh, në maj të vitit të kaluar, me partnerin e saj, basketbollistin Chanan Colman, 39 vjeç.
Ajo hyri në Instagramin e saj për të ndarë një video të adhurueshme të saj duke ushqyer djalin e saj të vogël dhe në mbishkrim shkruhej se ai i dha asaj një qëllim për të jetuar.
Jessie shpjegoi se do të bënte muzikë të re dhe do të rikthehej në turne në të ardhmen, por për momentin ajo donte të shijonte kohën e saj me Sky.
Ajo shtoi se kishte vendosur të mos stresohej më dhe të mos ndihej fajtore pasi gjithmonë është kujdesur për hapin e radhës në karrierë por tashmë ndihet mirënjohëse që i ka të gjitha mundësitë që të kaloj kohë më djalin e saj.
“Behem 36-vjeç këte muaj. Do të prodhoj muzikë të re sërish, do të shkoj në turnë sërish si edhe nëpër evente apo festa të ndryshme. Por momentalisht kjo është ajo që dua, nuk dua të humbas këtë kohë. Nuk dua që dikush tjetër ta bëj këtë për mua. Kam pritur një jetë të tërë për këtë. E di që shumë njerëz mund t’i bëjnë dy gjëra njëkohësisht dhe mendoj se kjo është diçka e mrekullueshme nëse është gjëja e duhur për ta dhe e di se një ditë do jem edhe unë si ato”.
Jessie më pas ka publikuar një video në Instastory, teksa ka filmuar veten e saj duke qarë në lidhje me këtë vendim që ka marrë.
