Sipërmarrësi i njohur nga Kosova, Shkëlqim Devolli, ndodhet në Washington DC për të marrë pjesë në ceremoninë e inaugurimit të Presidentit të ri të Shteteve të Bashkuara të Amerikës, Donald Trump.

Gjatë qëndrimit të tij atje, Devolli zhvilloi një takim me John Ratcliffe, i cili së shpejti do të marrë drejtimin e CIA-s.

Në këtë takim, Devolli e përgëzoi Ratcliffe për emërimin e tij në krye të inteligjencës amerikane dhe diskutoi mbi zhvillimet aktuale në Kosovë, veçanërisht në kontekstin e zgjedhjeve parlamentare që priten të mbahen në vend, ka raportuar Klan Kosova.