Qeveria e Kosovës ka njoftuar se ka liruar nga detyra anëtarët e Ekipit Menaxhues, të thirrur për hartimin e draft-statutit të Asociacionit të komunave me shumicë serbe në Kosovë.
Opinionisti Imer Mushkolaj ka shkruar në “Facebook” se ky ekip është dashur të shkarkohet më herët, e jo pasi ka prodhuar një dokument të dëmshëm.
Sipas tij, vendimi për shkarkimin e ekipit tash është i kotë dhe veç propagandë qeveritare.
“Ekipi menaxhues për hartimin e draft-statutit të Asociacionit, që e paska shkarku qeveria, edhe ashtu s’ka pasë tjetër punë. Ky ekip është dashtë të shkarkohet më herët, e jo pasi ka prodhuar një dokument të dëmshëm, që do të shërbejë si bazë për negociata. Vendimi për shkarkimin e ekipit tash është i kotë dhe veç propagandë qeveritare”, ka shkruar Mushkolaj.
