Një zyrtar policor është arrestuar pasi që dyshohet se me veturë private, jashtë detyrës zyrtare, ka shkaktuar një aksident në rrugën Prishtinë-Mitrovicë, ku ka vdekur një 53 vjeçar.
Sipas njoftimit, viktima L.S ka qenë staf civil në Policinë e Kosovës.
“Aksidenti raportohet se ka ndodhur në rrugën Nacionale Prishtinë-Mitrovicë, përkatësisht në fshatin Llazarevë, ku një zyrtar policor jashtë detyrës zyrtare duke qarkulluar me veturën private ka shkaktuar aksident trafiku me fatalitet, ku si pasojë e aksidentit fatkeqësisht ka vdekur qytetari L.S (staf civil në Policinë e Kosovës)”.
“Në vend të ngjarjes kanë dalë hetuesit e IPK-së, njësitë relevante policore dhe prokurori kujdestar nga Prokuroria Themelore në Prishtinë” – thuhet në njoftim.
Tutje, IPK-ja ka njoftuar se është iniciuar rast penal me veprën penale “rrezikim i trafikut publik”.
