Adil Behramaj, ish-këshilltar i ish-presidentit Hashim Thaçi, ka treguar për numrin e shqiptarëve që kanë protestuar dje në Tiranë.
Ai ka treguar se sipas statistikave zyrtare sheshi “Skënderbej” i zë rreth 160 mijë njerëz.
Në profilin e tij në “Facebook”, Behrami ka shkruar se ky shesh mbrëmë ishte i mbushur plot me protestues.
“Sheshi më i madh i Shqipërisë, Sheshi “Skënderbej” në Tiranë, me rreth 40,000 m² hapësirë, u mbush plot mbrëmë me shqiptarë që kërkuan drejtësi për ish-udhëheqësit e UÇK-së. Sipas statistikave zyrtare, varësisht nga dendësia e masës, në këtë shesh mund të mblidhen maksimalisht 160,000 qytetarë. Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre nuk janë vetëm. Një komb i tërë është me ta!”, ka shkruar ai.
