- Advertisement -
Agjentët e Shërbimit Sekret të ngarkuar me mbrojtjen e presidentit amerikan qëlluan një burrë të armatosur pranë Shtëpisë së Bardhë të shtunën mbrëma.
Kështu zbuloi një zëdhënës, duke shtuar se burri ishte shtruar në spital dhe gjendja e tij ishte “e panjohur”.
Oficerët ishin lajmëruar më herët nga policia lokale për një burrë “vetëvrasës” që udhëtonte për në Washington nga Indiana.
Ata e identifikuan atë në rrugën që kufizohet me territorin e Shtëpisë së Bardhë, ku “u zhvillua një konfrontim i armatosur, gjatë të cilit personeli ynë qëlloi disa të shtëna”, sipas një deklarate të lëshuar nga Anthony Guglielmi në median sociale X.
