Ministria e Infrastrukturës ka dalë me njoftim zyrtar për rrezikshmërinë në çarkullim në disa rrugë të Kosovës pas vërshimeve që goditën sot vendin.
Si pasojë e reshjeve të mëdha dhe vërshimeve mbrëmë, në disa rrugë të Kosovës ka pasur rrëshqitje gurësh dhe ka rritje të rrezikut për çarkullim.
Ekipet e mirëmbajtjes siç thonë nga MI janë duke i pastruar rrugët, ndërsa me theks të veçantë është përmendur rruga Pejë – Rugovë në segmentin 1.5 kilometra poshtë urës në Drelaj ku ka rrëshqitje të trupit të rrugës.
Ky është njoftimi i plotë:
Pas reshjeve të shumta shiut gjatë natës së mbrēmshme, në disa rrugē të vendit tonë ka pasë rrëshqitje gurësh dhe si rrjedhojë e kësaj,rritje të rrezikut në trafik.
Ekipet e mirëmbajtjes janë aktivizuar dhe janë në teren duke pastruar rrugët ku pa pasë shembje të tilla.
Në rrugēn Pejē -Rugovë, në segmentin1,5 kilometra poshtë urës në Drelaj, ka një rrëshqitje të trupit të rrugës, prandaj luten pjesmarrësit në komunikacion të ngasin veturat me përkujdesje të shtuar.
Kujdes I shtuar duhet të ketë edhe gjatë vozitjes në rrugët tjera sidomos ato malore.
