Shefi i NATO-s dënon vendimin e Rusisë për të pezulluar marrëveshjen e grurit

Shefi i NATO-s, Jens Stoltenberg dënoi vendimin e Rusisë për t’u tërhequr nga marrëveshja e grurit të Detit të Zi pavarësisht përpjekjeve të Turqisë për të ndërmjetësuar.

“Unë dënoj vendimin e njëanshëm të Rusisë për t’u tërhequr nga marrëveshja, pavarësisht përpjekjeve të aleatit tonë Turqisë dhe OKB-së”, shkroi Sekretari i Përgjithshëm i NATO-s, Jens Stoltenberg në Twitter.

Stoltenberg nënvizoi se “lufta e paligjshme” e Rusisë kundër Ukrainës vazhdon të “dëmtojë miliona njerëz të cenueshëm në mbarë botën”.