Sekretari amerikan i Mbrojtjes, Lloyd Austin fajësoi milicitë e mbështetura nga Irani për sulmet e përsëritura ndaj forcave amerikane, duke u zotuar se “ne do të përgjigjemi në një kohë dhe vend që do të zgjedhim”.
“Jam i indinjuar dhe thellësisht i pikëlluar nga vdekja e tre prej anëtarëve tanë të shërbimit amerikan dhe plagosja e ushtarëve të tjerë amerikanë në një sulm mbrëmë kundër forcave të SHBA-së dhe koalicionit, të cilët u vendosën në një vend në Jordaninë verilindore pranë kufirit sirian për të punuar drejt humbjes së qëndrueshme të ISIS”, thuhet në një deklaratë të Departamentit të Mbrojtjes.
“Këta amerikanë të guximshëm dhe familjet e tyre janë në lutjet e mia dhe i gjithë Departamenti i Mbrojtjes vajton për humbjen e tyre. Presidenti dhe unë nuk do të tolerojmë sulmet ndaj forcave amerikane dhe do të ndërmarrim të gjitha veprimet e nevojshme për të mbrojtur Shtetet e Bashkuara, trupat tona dhe interesat tona”, thuhet më tej në deklaratë./abcnews.al/
