Shtëpia e Bardhë e ka fajësuar milicinë e mbështetur nga Irani për sulmin vdekjeprurës me dron në një bazë amerikane në Jordani.

Presidenti i ShBA-së, Joe Biden, ka thënë se Amerika ka vendosur për kundërpërgjigje, pa e elaboruar më tej se cila do të jetë ajo.

Ndërsa, zëdhënësi i Këshillit të Sigurisë Kombëtare, John Kirby, ka thënë se përgjigja e ShBA-së do të jetë “në një kohë dhe në një mënyrë të zgjedhur nga ne, sipas planit tonë”, shkruan BBC.

Tutje, Kirby ka thënë se ndonëse nuk ka ndonjë kundërpërgjigje nga ShBA-ja prej të dielës kur ka ndodhur sulmi, kjo “nuk do të thotë se nuk do të shihni asgjë”.