Deputeti i Partisë Demokratike të Kosovës (PDK), Ferat Shala është takuar me djalin e Jakup Krasniqit, Altinin,  i cili para disa ditësh i është bashkuar PDK-së.

Shala ka thënë se kandidimi i Altin Krasniqit në listën e PDK-së për deputet është vlerë e shtuar, jo vetëm për trashëgiminë historike dhe politike të babait të tij, por edhe për atë që ai përfaqëson.

“Një kafe me Altinin, djalin e bacës Jakup dhe me mikun, bashkëveprimtarin e ish deputetin, Enver Hoti. Ardhja dhe kandidimi i Altinit në listën tonë për deputetë është vlerë e shtuar – jo vetëm për trashëgiminë historike e politike të babait të tij, por edhe për atë që përfaqëson Altini si profesionist i ri dhe i angazhuar. Të priftë e mbara, Altin!”, ka shkruar Shala në Facebook.