Kandidati për deputet nga radhët e Partisë Demokratike të Kosovës (PDK) me numrin 16, Ferat Shala, ka qëndruar sonte në Llapushnik me ftesë të Ajet Thaçit.
“Ky takim ishte më shumë se një festë – ishte një akt mbështetjeje për platformën tonë politike, një platformë që synon një Kosovë të drejtë, të zhvilluar dhe të bashkuar”, ka shkruar Shala në Facebook, duke theksuar se me “përkrahjen e njerëzve si Ajeti dhe me angazhimin e çdo qytetari, jemi të bindur se mund ta ndryshojmë rrjedhën e Kosovës dhe ta bëjmë atë një vend të denjë për çdo qytetar”.
Postimi i plotë:
Ajet Thaçi na bashkoi në Llapushnik për ditëlindjen e tij, duke treguar se lidhja me vendlindjen dhe angazhimi për të ardhmen e Kosovës mbeten të palëkundura, pavarësisht viteve në mërgim.
Ky takim ishte më shumë se një festë – ishte një akt mbështetjeje për platformën tonë politike, një platformë që synon një Kosovë të drejtë, të zhvilluar dhe të bashkuar.
Bashkë me kandidatët tanë për deputetë, Altin Krasniqi dhe Adnan Thaçi, ne po ndërtojmë një alternativë të re për të ardhmen e Kosovës.
Në këto kohë të rëndësishme për vendin, bashkëpunimi, vizioni i qartë dhe përkushtimi ndaj idealeve tona kombëtare janë thelbësore. Me përkrahjen e njerëzve si Ajeti dhe me angazhimin e çdo qytetari, jemi të bindur se mund ta ndryshojmë rrjedhën e Kosovës dhe ta bëjmë atë një vend të denjë për çdo qytetar. Bashkë mund dhe duhet ta ndërtojmë një Kosovë më të mirë!
