Kandidati për deputet nga radhët e PDK-së me numrin 16 dhe ish-komandanti i UÇK-së, Ferat Shala, ka vizituar familjen e heroit Gani Elshani.
Shala ka bërë me dije se Elshani kishte rënë heroikisht në kufirin shqiptaro-shqiptar në dhjetor 1998, së bashku me 40 dëshmorë të tjerë, duke dëshmuar se lufta për liri është një akt i shenjtë që mbështetet në vlerat dhe idealet më të larta.
“Sot pata nderin të vizitoj familjen e dëshmorit Gani Elshani, një arsimtar i hershëm, intelektual dhe luftëtar ndër të parët në radhët tona. Ganiu, si kolegu ynë arsimtar dhe bashkëluftëtar, ishte shembull i një njeriu që i shërbente kombit jo vetëm me pushkë, por edhe me mendje dhe dije. Ai ra heroikisht në kufirin shqiptaro-shqiptar në dhjetor 1998, së bashku me 40 dëshmorë të tjerë, duke dëshmuar se lufta për liri është një akt i shenjtë që mbështetet në vlerat dhe idealet më të larta”.
“Ndihem i nderuar nga përkrahja e familjes së tij, e cila ka dhënë gjithçka për atdheun dhe që përfaqëson një trashëgimi të pasur patriotike dhe intelektuale për të gjithë ne”, ka shkruar Shala në Facebook.
#PDK131 #FeratShala16
