- Advertisement -
Ish-deputeti i Kuvendit të Serbisë, i cili ka shërbyer edhe si Kryetar i Komunës së Bujanocit, Shaip Kamberi, ka reaguar pasi Kuvendi Komunal i Preshevës shkarkoi Ardita Sinanin, për ta bërë përsëri kryetar Shqipërim Arifin.
Kamberi publikoi një fotografi me Sinanin, duke e quajtur shkarkimin e saj hipokrizi e vetmashtrim.
“Ata, jo ti, sot humbën gjithçka bashkë me nderin”, tha Kamberi.
“Por besoj se mbetet populli ai që më së miri e di peshën e hipokrizisë, vetmashtrimit, e respektit dinjitoz që ata kanë për gënjeshtrën”, shkroi ai.
Përfaqësuesit e Luginës sot në mëngjes kanë qëndruar në zyrën e kryeministrit të Kosovës, Albin Kurti, i cili ka bërë thirrje që të mos shkarkohet Sinani, por apeli i tij nuk është dëgjuar.
