Kryetari i Aleancës Kosovare të Bizneseve, Agim Shahini, ka treguar mesataren e hajes dhe mbylljes së bizneseve në Kosovë.
Ai ka bërë me dije se mesatarisht rreth 2 mijë biznese në vit mbyllen, kurse hapen mbi 8 mijë të reja.
Ai ka treguar arsyet e mbylljes se bizneseve në Kosovë.
“Nga viti 2002 e këndej mesatarisht bizneset në Kosovë mbyllen rreth 2 mijë e hapen mbi 8 mijë. Nëse analizojmë shkaqet e mbylljes janë më të ndryshmet. Nga ajo pse humbë fuqinë në treg, pse nuk ka mbështetje, pse interesi bankar është i lartë dhe infrastuktura është tepër e shtrejt, duke përfshirë këtu qiranë, energjinë elektrike. Ngarkesat për biznes e fuqia e konkurencës janë arsye që po mbyllen bizneset e së fundi edhe fuqia punëtore”, ka thënë Shahini për RTV21.
