Deputeti i Lidhjes Demokratike të Kosovës Driton Selmanaj në emisionin Paradoks me Vehbi Kajtazin në Paparaci, ka folur rreth aferave korruptive në qeverinë Kurti.
Sipas tij, nuk janë disa njerëz që thjesht po e keqpërdorin jnë kontratë apo një tjetër. Sipas deputetit kemi të bëjmë me strukturë të organizuar, që “menaxhohet”, me urdhër se ku dhe si u duhen paratë, partisë në pushtet.
“Është sistem i strukturuar. Në Kosovë ndoshta nga prezenca ndërkombëtare ka pasur elemente korruptive, askush nuk e mohon këtë. Por dallimi prej asaj kohe dhe kësaj kohe unë e shoh që korrupsioni nuk është i demoluar, dmth dikush atje po vjedh me rënie të lirë, dikush po keqpërdor një kontratë.. Jo, jo, këtu ka urdhër. Ku na duhen paret dhe kënd duhet ta shpërblejmë apo kujt duhet t’ia kthejmë paret që ia kemi marrë borxh për fushatë”, ka thënë Selmanaj.
