Deputeti i LDK-së, Driton Selmanaj, ka thënë se ngjarja e djeshme duhet të na shërbejë edhe për reflektim dhe reagim urgjent nga ana e institucioneve shtetërore.
Ai ka thënë se Qeveria dhe Kuvendi duhet urgjentisht t’i ndërmarrin këto veprime, rritje të pagave për policinë, pagesa të shtesave të rrezikshmërisë, plotësimi ndryshimi i Ligjit për Policinë, ku përfshihet sigurimi shëndetësor dhe sigurimi jetësor për pjesëtarët e policisë, si dhe pajisje me mjetet të domosdoshme të punës si: Vetura, uniforma policore, këpuca e çizme etj.
Postimi i tij i plotë:
Ngjarja e djeshme përveç dhimbjes dhe krenarisë, duhet të na shërbejë edhe për reflektim dhe reagim urgjent nga ana e institucioneve shtetërore.
Qeveria dhe Kuvendi i Republikës së Kosovës duhet urgjentisht të ndërmarrin këto veprime:
Rritjen e pagave për Policinë e Kosovës; Pagesa e shtesave për rrezikshmëri; Plotësimi ndryshimi i Ligjit për Policinë, ku përfshihet sigurimi shëndetësor dhe sigurimi jetësor për pjesëtarët e policisë; Pajisje me mjetet të domosdoshme të punës si: Vetura, uniforma policore, këpuca e çizme etj.
Nuk duhet të presim raste të tilla, për të na kujtuar se ata që mbrojnë integritetin dhe dinjitetin e shtetit tonë, meritojnë edhe trajtimin meritor.
Gjithmonë krenar me Policinë e Kosovës, dje, sot, përgjithmonë….!