- Advertisement -
Ish-kryediplomati Petrit Selimi ka thënë se sulmet e deputetëve të Lëvizjes Vetëvendosje ndaj qeverisë amerikane – pas qëndrimeve në lidhje me zhvillimet në veri – janë të qëllimshme.
Përmes një postimi në rrjetin social “X”, Selimi ka thënë se kush e njeh VV-në, e di se këto urdhëra mund të vijnë vetëm nga kryeministri Albin Kurti.
Kjo sipas Selimi, është shkatërruese.
“Sulmi i drejtpërdrejtë i deputetëve të kastës në pushtet (ose kultit) në Kosovë ndaj ambasadorit të ShBA-së dhe qeverisë amerikane nuk është i rastësishtëm, e as i pakoordinuar. Kush e njeh VV-në, e di se vetëm lideri i dashur mund të jap urdhëra dhe të lejojë deputetët e tij të sulmojnë ShBA-në. Është veprim i qellimshëm, por diplomatikisht shkatërruar.” – ka shkruar ai.
Vlen të theksohet se së fundi, në deputet i VV-së ka thënë se ambasadori amerikan, Jeff Hovenier “nuk merr vesh në ura” dhe se ai “duhet të qëndrojë në ambasadë”.
