Ish-ministri i Punëve të Jashtme të Kosovës, Petrit Selimi, përmes profilit të tij në Twitter, ka reaguar ndaj dokumentit të prokurorisë në rastin ndaj Thaçit, Veselit, Selimit dhe Krasniqit, ku ndër të tjera thuhet se “Ekzistenca e qëllimit të përbashkët kriminal dëshmohet përmes kontekstit në të cilin u krijua dhe u zhvillua UÇK-ja”, duke argumentuar se formimi i UÇK-së po cilësohet nga prokuroria si “akt kriminal”.

“Pra, vetë krijimi i UÇK-së ishte kriminal? Prokuroria: “Ekzistenca e qëllimit të përbashkët kriminal dëshmohet përmes kontekstit në të cilin u krijua dhe u zhvillua UÇK-ja, deklaratat dhe sjelljet e të akuzuarve dhe anëtarëve të tjerë të NPK-së, politikat dhe praktikat e përdorura” – ka shkruar Selimi në Twitter.