Ish-zëvendësministri i Punëve të Jashtme të Kosovës, Petrit Selimi, ka shprehur indinjatën e tij në Twitter për mbajtjen e seancës së Dhomës së Specializuar më 1 maj, që është festë zyrtare në Republikën e Kosovës.
Selimi vuri në pikëpyetje respektimin e ligjeve të vendit të tyre nga ana e gjykatës, duke thënë se është e turpshme që ata të mos respektojnë orarin e festave kombëtare.
Ai gjithashtu ngriti shqetësimet për legjitimitetin e gjykatës si “gjykatë kosovare” nëse nuk respekton ligjet e vendit.
“Nesër – 1 maj – është festë publike sipas ligjeve të Republikës së Kosovës. Pse Dhomat e Specializuara po punojnë dhe do të mbajnë seancë nesër? A nuk është e lidhur me ligjet e vendit tonë? Tashmë a ka pushuar së pretenduari se është “gjykatë e Kosovës”? E turpshme.” – ka shkruar Selimi.
