Selena Gomez thuhet se është në lidhje me këngëtarin e The Chainsmokers, Andreë “Drew” Taggart. Ishte revista Us Weekly  që bëri të ditur lajmin.

“Selena vështirë se mund t’i mbajë duart larg tij”, thotë një burim për këtë media.

Ndërsa asnjë nga dy artistët nuk kanë  folur ende publikisht për romancën e tyre sipas medias US Weekly  dyshja po argëtohen shumë së bashku dhe  nuk po përpiqen të fshehin  lidhjen e tyre.

33-vjeçari së fundmi u nda nga artistja 24-vjeçare, Eve Jobs, e cila është vajza më e vogël e Steve Jobs. Ata filluan të takoheshin në verë, por u ndanë muajin e kaluar.

Ndërkohë vetë artistja e cila ka qenë më parë e lidhur me sërë emrash të njohur të showbizit si Nick Jonas, Justin Bieber dhe The Weeknd, ka qene në kërkim të dashurisë.