Analisti politik, Dardan Sejdiu, është shprehur i ashpër ndaj klasës politike në vend në lidhje me leximin e aktgjykimin e Gjykatës Kushtetuese për zgjedhjen e nënkryetarit të Kuvendit nga pakicat.
Në Rubikon të Klan Kosovës, ai tha se “duhet të jesh idiot” e “amator” të mos e kuptosh atë aktgjykim.
“Këto janë fizkultura për me i shty zgjedhjet me ndodh me një situatë tjetër, jo tash. Pra sa më afër zgjedhjes së presidentes. Mendoj se janë fizkultura të lodhta, nga të gjithë, pa përjashtim”.
“Vendimi i gjykatës kushtetuese është i qartë: shumica e minoriteteve. Pra, duhet të jesh idiot për të mos e kuptuar aktgjykimin e Kushtetueses. Nuk e kanë kuptuar ndryshe, por shpresojnë që kjo zhurma e zgjedhjeve lokale, se çka ndodhë të dielën. Këta janë krejt ‘spin doktora’, këta nuk janë politikanë. Këta nuk lodhen që e fusin shtetin në njëfarë orteku a situate krejtësisht problematike në aspektin juridik, politik e konsekuencave që i krijojnë me këso sjellje amatoreske”, deklaroi analisti Sejdiu.
