S’e lanë të flasë shqip, Gërvalla: Daçiq zgjodhi gjuhën e tij, mua nuk m’u aprovua kërkesa

Ministrja e Punëve të Jashtme të Kosovës, Donika Gërvalla, në seancën e sotme të Këshillit të Sigurimit, pati edhe një kritikë të tërthortë për organizatorin.

Kjo pasi, atë s’e lanë të flasë shqip, ndërsa përfaqësuesin serb, Ivica Daçiq e lejuan të shprehet në serbisht.

Gërvalla pohoi se edhe ajo regjistroi kërkesën për të folur gjuhën amëtare.

Gjithsesi, përkundër mosplotësimit, ajo vazhdoi në gjuhën angleze, ani pse në një moment u shpreh edhe në gjuhën serbe, kur përmendi faktin se Daçiq është i përfshirë në gjenocidin në Kosovë.

“Edhe unë bëra kërkesë që të flasë në gjuhën shqipe, por diçka e tillë nuk m’u aprovua. Megjithatë do të vazhdojë të flasë në gjuhën angleze”, ka thënë Gërvalla.