Sindikata e Bashkuar e Arsimit, Shkencës dhe Kulturës, sot më (25 gusht), ka filluar grevat e përgjithshme në arsim.
Këto greva ishin paralajmëruar më herët nga kryetari i kësaj sindikate, Rrahman Jasharaj, ku kishte thënë se nuk po realizohen kërkesa e tyre për të pasur nga 100 euro mbështetje për të gjithë mësimdhënësit.
Mirëpo a është duke u respektuar greva e kësaj sindikate nga shkollat e Kosovës?
Sekretari i kësaj sindikate, Ymer Ymeri në një prononcim për Gazetën Infokus, ka thënë se deri më tani greva është duke u respektuar.
Sipas Ymerit deri më tani asnjë shkollë nuk ka dalë kundër grevave e po ashtu nuk kanë pasur ndonjë kontakt me Ministrinë e Arsimit Shkencës Teknologjisë dhe Inovacionit.
“Deri tash skena informata, ndoshta për shkak se kemi filluar herët në ora 09:00 dhe jemi dal pak në teren, këshilli është duke i mbledh të dhënat kur do të përfundoj orari i grevës që është prej 09:00 deri ne 12:00”.
“Jo nuk kemi pasur asnjë kontakt me ministrinë, dhe grevat do të vazhdojnë deri sa të i realizojmë kërkesat”, tha Ymeri.
Ndryshe kjo grevë e filluar afër fillimit të ri shkollor, nuk po përkrahet nga njohësit e arsimit.
