Jadon Sancho pritet të largohet nga Manchester United në afatin kalimtar të janarit, pasi prishi raportet me trajnerin Erik ten Hag, sipas Sky Germany.
Në këtë moment, një huazim do të jetë më i mundshëm sesa një tranferim i përhershëm – me një kthim te Borussia Dortmundi që nuk pritet, por që nuk është përjashtuar plotësisht.
Trajneri i Dortmundit Edin Terzic kuptohet se është në kontakte me futbollistin anglez.
Ten Hag nuk e ka ndërmend që të heqë dorë nga pretendimet për Sanchon, i cili nuk ka luajtur që nga gushti, pas deklarimeve që bëri në rrjetet sociale.
Unitedi shpresonte se problemi do të zgjidhej, me drejtorin e Futbollit John Murough dhe shefin ekzekutiv Richard Arnold duke provuar që të negociojnë, por nuk pati kompromis nga asnjëra palë.
Kështu që siç qëndron, Sancho do të largohet nga “Old Trafford” në afatin kalimtar të dimrit, por që destinacioni i tij i ardhshëm nuk dihet.
