- Advertisement -
Kryetari i Komunës së Skenderajt, Sami Lushtaku, pasi ka marrë mandatin e ri, ka emëruar Fadil Nurën si nënkryetar të Skenderajt.
Lushtaku e ka quajtur Nurën si një mik dhe bashkëpunëtor prej vitesh.
Postimi i plotë:
Me vendimin tim të parë si kryetar i komunës së Skenderajt, kam emëruar Fadil Nurën nënkryetar komune, një mik e bashkëpuntor i imi për vite me radhë.
Me bashkëpunimin tonë shumëvjeçar, me përvojën dhe profesionalizmin që e ka dëshmuar në çdo detyrë, jam i bindur se do të punojmë krah për krah, për t’i çuar përpara projektet që i kemi nisur gjatë mandatit të Fadilit si kryetar komune, për t’u ofruar qytetarëve punë të ndershme e rezultate konkrete!
