Këngëtari Sam Smith ka tërhequr vëmendjen e të gjithëve në “Brit Awards” mbrëmjen e të shtunës. Ai parakaloi në tapetin e kuq me një veshje të fryrë lateksi.
Veshjen e pazakontë artisti e kishte shoqëruar me një palë taka tepër të larta. Veshja në vetvete është nga një markë e quajtur Harri, e cila është e specializuar në modelet që tërheqin vëmendje të lateksit.
Në pikën e shpatullave, si dhe në këmbë, “kostumi” fryhet jo pak, deri në atë pikë sa bëhet “qesharake”, siç edhe e cilësojnë fansat e tij.
Menjëherë, veshja e tij u bë virale, me disa ndjekës që komentuan se artisti është i dëshpëruar për vëmendje.
Paraqitja e tij vjen pak ditë pas performancës që dha në skenë në ndarjen e çmimeve Grammy dhe u komentua veçanërisht nga publiku, për shkak të skenave dhe kostumeve, të cilat dukeshin sikur kishin dalë nga ferri.
