Sa persona në Kosovë kanë emrin Ronaldo dhe Messi?

Agjencia e Statistikave të Kosovës ka lansuar një program ku mund të gjeni se sa njerëz kanë emër të njëjtë me atë që ke ti.

Kjo ka bërë që në ditët e fundit njerëzit të hulumtojnë për emrat që janë në Kosovë.

Rezultatet dalin befasuese, pasi në Kosovës emrin Ronaldo e kanë 12 veta, të shpërndarë në Pejë, Gjakovë, Prishtinë, Fushë Kosovë, Gjilan, Obiliq e Lipjan.

Emri Ronaldo është i dashur pasi përveç portugezit këtë emër e mban edhe braziliani Luis Nazario da Lima – Ronaldo.

Emri Ronaldo në Kosovë

Sa i përket Messit emri e tij e kanë dy veta në Kosovë, njëri në Gjilani, ndërsa tjetri në Prizren.

Befasues janë emrat Neymar dhe Lebron, pasi nga një person e kanë këtë emër në Kosovë.