Sulmuesi Lionel Messi nuk është vetëm një ndër lojtarët më të mirë në botë, por gjithashtu ndër më të paguarit.
35-vjeçari pavarësisht formës është duke kaluar një formë të jashtëzakonshme me paraqitje mbresëlënëse në Kupën e Botës me Argjentinën, ku e fitoi Kupën e Botës.
Këtë formë është duke e vazhduar te PSG, të cilët janë në negociata për t’ia vazhduar kontratën. Por, sa para fiton saktësisht Messi te PSG-ja?
Messi momentalisht fiton 34.1 milionë funte në vit te PSG-ja, siç zbulon gazeta më e madhe franceze “L’Equipe”.
Kjo është një rritje në pagën prej 25.6 milionë funtesh që fituesi i Kupës së Botës fitoi në sezonin e tij të parë në klub në 2021/22.
Messi nënshkroi një kontratë dyvjeçare me parisienët, e cila do të skadojë në qershor të vitit 2023, por ai ka mundësi të angazhohet në klub për një vit të tretë me të njëjtën pagë.
Nëse Messi vërtet e zgjat qëndrimin e tij në Francë për një sezon të tretë, ai raportohet se do të fitojë pothuajse 94 milionë funte gjatë gjithë kontratës së tij me PSG.
Argjentinasi nuk mori asnjë bonus transferimi kur nënshkroi për PSG-në, megjithëse thuhet se ka marrë një bonus besnikërie me vlerë 12.8 milionë funte në vit.
Messi u detyrua të largohej nga Barcelona pasi klubi nuk ishte në gjendje të përballonte pagat e tij sipas rregulloreve financiare të La Ligës, duke mbyllur aventurën e qëndrimit të tij 21 vjeçar në “Camp Nou”.
Paga e Lionel Messit te PSG
Për vit – 34.1 milionë funte
Për muaj – 2 milionë e 841 mijë e 667 funte
Për javë – 655 mijë e 769 funte
Për ditë – 93 mijë e 424 funte
Për orë – 3 mijë e 893funte
Kjo përkundër faktit se Messi ishte i gatshëm të merrte një ulje rroge prej 50 për qind për të qëndruar te Barça, gjë që do t’i kishte fituar rreth 26.5 milionë funte në vit.
Messi kishte zgjatur më parë kontratën e tij me Barcelonën në vitin 2017 në një marrëveshje me vlerë 112 milionë funte në sezon.
