Skena muzikore shqiptare është gjallëruar të hënën me një projekt të ri artistik që ka tërhequr vëmendjen e publikut.
Bëhet fjalë për këngën “Sa Netë”, një bashkëpunim mes tre artistëve të njohur: Elgit Doda, Arta Kabashi dhe Emra Brah.
Kënga u publikua në datën 16 qershor dhe menjëherë pas lansimit ka filluar të qarkullojë me shpejtësi në rrjetet sociale.
Edhe kjo këngë mban firmën e Dodës, një emër tashmë i konsoliduar si kompozitor, producent dhe këngëtar.
I njëjti solli një melodi moderne, me ndjeshmëri emocionale, të ndërthurur me ritme të buta që përshtaten me tematikën e këngës.
Kabashi, e cila spikat me vokalin e saj dhe interpretimin, vjen në këtë projekt me një performancë që ndjell ndjeshmëri dhe thellësi.
Brah gjithashtu i jep këtij projekti një freski, duke krijuar një balancë të bukur mes zërave dhe stilit.
“Sa Netë” shënon një tjetër sukses për Dodën dhe një moment të rëndësishëm në karrierën e Artës dhe Emrës, duke përforcuar pozicionin e tyre si artistë me potencial të jashtëzakonshëm.
