“Nuk e bëra një lidhje direkte me situatën në Kosovë, sepse mendoj se KFOR-i është i rëndësishëm, forcat e BE-së në Bosnje dhe Hercegovinë janë të rëndësishme, ato punojnë ngushtë së bashku, prandaj situata e sigurisë në Kosovë është shumë e rëndësishme për ne”, ka thënë Rutte në një konferencë për media.
Më tutje ai u shpreh se kërkuar nga serbët të punojnë për llogaridhënie për sulmin në Banjskë.
“Duhet të sigurohemi që stabiliteti i arritur që nga viti 1999 të vazhdojë. Sa u përket ngjarjeve në Banjskë dhe sulmit ndaj forcave të NATO-s në vitin 2023, serbët duhet të punojnë për të mbajtur përgjegjësi.Kjo ishte tema e diskutimit tonë me presidentin Vuçiq në telefon, si dhe gjatë darkës që kishim në Bruksel dy javë më parë”, ka thënë Rutte.
Në anën tjetër Rutte nuk e ka komentuar marrëveshjen për mbrojtje midis Kosovës, Shqipërisë dhe Kroacisë si dhe asaj midis Serbisë dhe Hungarisë së fundmi.
“Po ka shumë këso marrëveshje dypalëshe, trepalëshe, njashtu si ajo mes Shqipërisë, Kosovës dhe Kroacisë, dhe kjo tash që po vjen”, ka thënë Rutte.
