Moska e ka riemërtuar zonën jashtë Ambasadës së SHBA-së me emrin e republikës separatiste pro-ruse në Ukrainën lindore.
Adresa e re është ndryshuar në “Sheshi i Republikës Popullore të Donetskut”, njoftoi të mërkurën zyra e Bashkisë së Moskës, raporton CNN.
“Ambasada e SHBA-së në Rusi ka marrë një adresë të re zyrtare”, thuhet në deklaratë. “Tani misioni diplomatik ndodhet në adresën e mëposhtme: Federata Ruse, qyteti i Moskës, territori i brendshëm i rrethit komunal Presnensky, sheshi i Republikës Popullore të Donetsk, ndërtesa 1, ndërtesat 1-9.”
Adresa e re u zgjodh pas rezultateve të një votimi publik me afro 280,000 pjesëmarrës, sipas bashkisë së qytetit.
Në maj, këshilltarët e Moskës propozuan të riemërtohej një nga rrugët e Moskës për nder të “mbrojtësve të Donbasit”. Adresa e mëparshme e ambasadës ishte 8 Bolshoi Devyatinsky Lane.
