- Advertisement -
Anëtari i Kryesisë së Lidhjes Demokratike të Kosovës, Berat Rukiqi paralajmëron se veprimet, të cilat i quajti të njëanshme, të qeverisë së zotit Albin Kurti, rrezikojnë që Kosova të mbetet pa përkrahjen e aleatëve.
Gjatë intervistës javën e kaluar ndërsa merrte pjesë në Lutjet e Mëngjesit, zoti Rukiqi thotë se mungesa e bashkërendimit me aleatët për një mori çështjesh, si ajo e themelimit të Asociationit të komunave me shumicë serbe dhe tani vendimi për heqjen e dinarit serb nga përdorimi në Kosovë, rrezikojnë që vendi të mbetet pa përkrahje edhe në raste nëse Kosova do të përballej me rreziqe të ngjashme, si ajo e sulmit terrorist në Banjskë.
