Anëtari i Kryesisë së LDK-së, Berat Rukiqi, i ka dalë në mbrojtjet gazetarit, Lirim Mehmetaj, që u ftua nga Prokuroria për veprën “nxitje e përçarjes dhe mosdurimit”.

Rukiqi përmes një shkrimi në Facebook, ka thënë se nuk mund ta ndalin fjalën e lirë me “fletërrufe të “Politbyrosë”.”

“Nuk mund ta ndalni fjalen e lirë me fletërrufe të “Politbyrosë”. Me Lirim Mehmetaj” – ka shkruar ai.

Kujtojmë se gazetari Mehmetaj ka bërë të ditur se është ftuar nga Prokuroria për të paraqitur për veprën penale “nxitje e përçarjes dhe mosdurimit”.