Rruga “Muharrem Fejza” mbyllet për qarkullim sot dhe nesër
Komuna e Prishtinës ka bërë të ditur se sot dhe nesër do të mbyllet për qarkullim rruga “Muharrem Fejza”.
Kjo mbyllje vjen për shkak të asfaltimit të shtresës së parë nga kryqëzimi i rrugës “Muharrem Fejza” me rrugën “Ukshin Kovaçica”, në drejtim të lagjes Mati.
“Drejtoria për Investime Kapitale dhe Menaxhimin e Kontratave është duke realizuar punimet në rrugën “Muharrem Fejza” në lagjen e Spitalit – Prishtinë. Ju njoftojmë se, për shkak të mundësisë së asfaltimit për shtresën e parë të një segmenti rrugor, rruga që fillon nga kryqëzimi i rrugës “Muharrem Fejza” me rrugën “Ukshin Kovaçica” në drejtim të lagjes Mati do të mbyllet për qarkullim ditën e Premte dhe të Shtunë, përkatësisht me datë 08.04.2022 dhe 09.04.2022, duke filluar nga ora 08:00-18:00”, thuhet në njoftimin e komunës.
