Një 51 vjeçar ka vdekur si pasojë e rrufesë që krijoi një shkëndijë elektrike në banesën ku po qëndronte.
Ngjarja ka ndodhur në orën 13:15, në fshatin Dedaj, Malësi e Madhe.
Ndërtesa u dogj pjesërisht, ndërsa personi ndërroi jetë në Spitalin Rajonal Shkodër.
Njoftimi i policisë:
Malësi e Madhe/Informacion paraprak
Më datë 09.06.2022, në orën 13:15, në fshatin Dedaj, Malësi e Madhe, dyshohet se për shkak të goditjes së rrufesë është krijuar shkëndijë elektrike në banesën e shtetasit P. Ç. 63 vjeç.
Për pasojë është djegur pjesërisht banesa, si dhe ka pësuar djegie në trup, shtetasi A. I., 51 vjeç, banues në fshatin Dedaj, Malësi e Madhe, që po qëndronte në këtë banesë, i cili ka ndërruar jetë në Spitalin Rajonal Shkodër.
Grupi hetimor po punon për sqarimin e rrethanave të ngjarjes.
