Shtrenjtimi i tarifave të energjisë elektrike prej 15 për qind është paralajmëruar se do të ndodh nga data 1 prill.
Kjo, nuk u mirëprit fare nga qytetarët të cilët e kritikuan ashpër Zyrën e Rregullatorit të Energjisë.
Madje, në shenjë pakënaqësie, më 5 prill në Prishtinë do të protestohet.
Protesta do të organizohet nga grupi “Asnjë cent më shumë”, i formuar nga Luan Hasanaj.
Rritja e çmimit të rrymës u diskutua sonte edhe në emisionin Rubikon në Klan Kosova.
Goxha i ashpër u shfaq analisti Ali Sefaj.
Sefaj pati shumë kritika, e ndër të tjera pyeti se “kujt po i shërbejnë këta njerëz?”.
“Komplet argumentet që këta i kanë dhënë janë të paqëndrueshme. Pse ne duhet t’i paguajmë humbjet e tyre? Pse ne duhet të paguajmë për paaftësinë e tyre menaxheriale? Pse ne duhet të paguajmë për keqmenaxhimin e tyre?”, tha ai në Klan Kosova.
