Ai ka thënë se atë ditë të tmerrshmë e mban mend e nuk i harron pamjet kur fytyrat e nënave që mbanin fëmijt e tyre në krah për t’i shpëtuar.
“26 vite nga masakra e Reçakut, gjenocidi i ushtrisë serbe që ktheu sytë e botës nga Kosova. Mbaj mend se atë ditë të tmerrshme, ku Reçaku u mbush me dhimbje, nuk harrohen pamjet e nënave që mbanin fëmijët e tyre në krahë për t’i shpëtuar, nuk harrohet e as nuk shërohet kurr dhimbja e atyre fëmijëve që panë prindërit e tyre duke u vrarë e që nuk mund të bënin asgjë. Ai tmerr që ata përjetuan është i pashlyeshëm. Reçaku na e kujton çdo vit se liria nuk erdhi pa çmim, dhe çdo sakrificë ka lënë pas një plagë të thellë. E sot, kur kthejmë kokën mbrapa e shikojmë pas, jemi dëshmitarë të humbjeve të mëdha, por gjithashtu të një populli të pamposhtur”, ka shkruar Dervishaj.
Tutje theksoi se nuk duhet të harrojmë që liria që gëzojmë sot është ndërtuar mbi dhimbjen dhe sakrificën e tyre.
