Roza Lati ka ndarë kohët e fundit se është në një lidhje dashurie dhe ka postuar herë pas here momente nga përditshmëria e saj me partnerin, duke përfshirë udhëtime dhe foto në ambiente private. Megjithatë, identiteti i partnerit të saj ka mbetur i fshehtë.
Njerëzit kanë aluduar se i dashuri i Rozës është Xhonatan Islami, ish-konkurrent në “Big Brother VIP 2”, pasi disa prej tyre kanë publikuar foto të tyre të shkrepura në rrugë. Roza nuk i ka mohuar këto lajme dhe në një event të fundit, ajo dhe Xhonatani u panë publikisht së bashku, të kapur dorë për dore.
Së fundmi, Roza ka postuar një video ku shfaqet e përqafuar me Xhonatanin dhe njerëzit e kanë marrë si një konfirmim për marrëdhënien e tyre. Ajo nuk ka dhënë komente, por ka lënë të kuptohet se po përgatiten për një projekt të ri së bashku.
