Cristiano Ronaldo po vazhdon të jetë emri më i diskutuar në Kampionatin Botëror të futbollit që po zhvillohet në Katar.
Portugalia është kualifikuar në çerekfinale të Kupës së Botës ku do të ballafaqohen me Marokun, ndërsa është raportuar vazhdimisht se Ronaldo nuk është i kënaqur me mënyrën se si po trajtohet nga trajneri Fernando Santos.
Në lidhje me të gjitha këto spekulime, sot ka reaguar vetë Ronaldo duke provuar t’i motivojë bashkëlojtarët.
Ai ka thënë se Portugalia është një grup shumë i bashkuar dhe që nuk do të ndikohet nga forcat e jashtme.
“Një grup shumë i bashkuar për t’u thyer nga forcat e jashtme. Një komb shumë i guximshëm për t’u frikësuar nga çdo kundërshtar. Një ekip në kuptimin e vërtetë të fjalës, që do të luftojë për ëndrrën deri në fund! Hajde Portugali.”, ka shkruar Ronaldo në “Facebook”.
Ndeshja ndërmjet Marokut dhe Portugalisë do të zhvillohet të shtunën nga ora 16:00./
