Al-Nassr regjistroi sonte fitoren e dytë radhazi në Ligën Profesionale Saudite, duke mbajtur kështu hapin me liderin, Al-Ittihad.

Al-Nassr fitoi në udhëtim kundër Al-Adalh. Ndeshja e zhvilluar në stadiumin “Prince Abdullah bin Jalawi” përfundoi me rezultatin 0:5.

Cristiano Ronaldo shkëlqeu në këtë ndeshje me dy gola. Ylli portugez shënoi nga penalltia në minutën e 40-të për të hapur serinë e golave.

38-vjeçari golin e dytë personal e shënoi nga loja e hapur në minutën e 66-të.

Ronaldo tani numëron 11 gola, krahas dy asistimeve.

Edhe Anderson Talisca shënoi dy gola në këtë sfidë. Braziliani shënoi në minutat 55 dhe 78.

Goli tjetër për skuadrën mysafire u shënua nga Ayman Yahya, në fundin e ndeshjes – 90+8.

Kjo ndeshje i takoi javës së 22-të në elitën e futbollit të Arabisë Saudite.

Al-Nassr ka 52 pikë në pozitën e dytë, vetëm një më pak se Al-Ittihad, që kryeson në tabelë. /Express/