Futbollisti i famshëm Ronaldinho (45-vjeçar) do të bëhet gjysh.
E dashura e djalit të tij Joao Mendes (19-vjeç), i cili nënshkroi për klubin anglez të futbollit Burnley gushtin e kaluar, njoftoi se çifti është në pritje të fëmijës së tyre të parë.
25-vjeçarja Giovanna Buscacio, e cila jeton me 19-vjeçarin Joao në Manchester, njoftoi në rrjetet sociale se tashmë është 16 javëshe shtatzënë.
Joao është në një lidhje me Giovanna-n prej më shumë se dy vitesh dhe shpesh herë postojnë foto nga aventurat e tyre në Angli.
Giovanna është motra e aktores Guillia Buscacio.
Ronaldinho, ish-ylli i Barcelonës dhe Milanit, ende nuk e ka komentuar lajmin e bukur.
Joao, i cili aktualisht luan për ekipin U21 të Burnley-t në krahun e djathtë, është fëmija i vetëm i Ronaldinhos. Nëna e tij është ish-balerina Janaina Mendes, e cila u takua me futbollistin e famshëm ndërsa ende kërcente në shfaqjen e njohur televizive braziliane “Domgao do Faustao”.
Joao Mendes ishte vetëm 14 vjeç kur nënshkroi kontratën e tij të parë me Nike në maj 2019. Ronaldinho ishte gjithashtu fytyra e Nike kur fitoi titullin e ‘lojtarit më të mirë’ në botë në vitin 2005.
Në moshën 13-vjeçare, Joao nënshkroi për ‘Brazilian Cruzeiro’ dhe më pas u transferua në Evropë, ku luajti për ekipin U19 të Barcelonës. Kontrata e tij aktuale me Burnley skadon në qershor 2026.
