Ron DeSantis ka lansuar fushatën e tij presidenciale 2024 me një njoftim në Twitter të ndërprerë nga defekte teknike.

Ai paraqiti një deklaratë të kandidaturës në komisionin zgjedhor federal të SHBA-së të mërkurën dhe më pas njoftoi kandidaturwn e tij në një bisedë në internet me shefin ekzekutiv të Twitter, Elon Musk.

Por transmetimi audio u ndërpre në mënyrë të përsëritur, duke e bërë pothuajse të pamundur për shumicën e ndjekësve të dëgjojnë guvernatorin 44-vjeçar të Floridës shumicën e kohës.

Ai tha: “Rënia amerikane nuk është e pashmangshme – është një zgjedhje”.

“Dhe ne duhet të zgjedhim një drejtim të ri – një rrugë që do të çojë në rigjallërimin amerikan”.

“Unë po kandidoj për president të Shteteve të Bashkuara për të udhëhequr rikthimin tonë të madh amerikan.”

DeSantis bëhet i fundit në një garë të mbushur me republikanë për të vendosur nëse partia do të largohet nga Donald Trump në 2024, pasi synon të rimarrë Shtëpinë e Bardhë nga demokrati Joe Biden.

Tek republikanët tashmë i kanë paraqitur kandidaturat ish-ambasadorja e Kombeve të Bashkuara Nikki Haley, senatori i Karolinës së Jugut Tim Scott, sipërmarrësi Vivek Ramaswamy dhe ish-guvernatori i Arkansas, Asa Hutchinson.

Ish-zëvendëspresidenti Mike Pence gjithashtu pritet të shpallë kandidaturën e tij në javët në vijim.

Trump kryeson në sondazhet e hershme, por DeSantis ka gjeneruar njëfarë interesi në mesin e votuesve primarë republikanë duke u paraqitur si një version më i ri dhe më i zgjedhur i ish-presidentit 76-vjeçar.

Në një bisedë me Musk që zgjati për më shumë se një orë, DeSantis nuk e përmendi Trumpin, por tha: “Shtrëngohuni kur të futem atje, sepse status quo-ja nuk është e pranueshme”.