Alexandra është një e dashur shumë e vëmendshme. ‘Do ta shikojmë ndeshjen sot?’, i shkruan në mesazh të dashurit të saj. Kur ai i thotë se është shumë i lodhur për t`u takuar, ajo ia kthen: ‘Kalofsh mirë, heroi im!’ Praktikisht e dashura ideale.
Megjithatë Alexandra nuk është e vërtetë. Ajo është një e dashur e personalizuar e AI në faqen e takimeve Romance.AI.
Ndërsa inteligjenca artificiale po depërton në çdo cep të botës dhe jetës tonë, ka hyrë edhe në botën romantike.
Rreth gjysma e të gjithë të rriturve nën 30 vjeç kanë përdorur një faqe ose aplikacion takimesh, sipas rezultateve të Peë Research 2023 – por gati gjysma e përdoruesve raportojnë përvojën e tyre si negative. Biseda të zbrazëta, zënka, pakënaqësi të pafundme e në fund zhgënjime. Zgjidhja pretendohet se është gjetur tek AI. Përmes teknologjisë krijohet e dashura virtuale, e personalizuar dhe e pandërlikuar. Kjo synon t`i bëjë njerëzit të ndihen më pak të vetmuar.
Një muundësi tjetër është edhe ofrimi i ndihmës nga AI për të sugjeruar përgjigjet e duhura gjatë një bisede.
Pra, ajo të shkruan A do dalim sot? Dhe ti nuk do të dalësh. Po si t`ia thuash në nje mënyrë të tillë që ajo të mos mërzitet? Të ndihmon Inteligjenca Artificiale. E kthen përgjigjen për ty.
Kjo synon të ndihmojë njerëzit që kanë vështirësi në krijimin e lidhjeve sociale dhe jo vetëm dashurore.
